Kualifikimi i punonjësve socialë: “Për të mbajtur vendin e punës duhen dy nivelet e studimit në fushën përkatëse”
Personat, të cilët ushtrojnë profesionin e punonjësit social dhe psikologut duhet ti nënshtrohen kualifikimit për të vijuar punën në këtë profesion. Komisioni për Punën, Çështjet Sociale dhe Shëndetësinë votoi në parim projektligjin që hap rrugën për krijimin e urdhërit për punonjësin social, ku pjesë do të jenë vetëm personat e kualifikuar. Gjatë diskutimeve në komision zv/ Ministrja Bardhylka Kospiri u shpreh se synim mbetet përmirësimi i ofrimit të shërbimit
“Rritet cilësia e ofrimit të shërbimeve në fushën e shërbimeve sociale nga persona të kualifikuar dhe diplomuar për punë. Tjetra ka të bëjë me përfaqësimin më cilësor të Këshillit Kombëtar të punonjësit social për personat që kanë aplikuar për këtë pozicion.” – u shpreh zv.ministrja.
Deputetja e PS , Klodjana Spahiu u ndal tek nevoja për kualifikimin në dy nivele arsimore të punonjësve të kësaj fushe duke theksuar se koha prej 6 vitesh ka qënë e mjaftueshme
“Në 6 vite të gjitha ato punonjës social që kanë patur një formim qoftë në bachelor qoftë në master jo ë punonjësit social besoj e kanë patur kohë ne mjaftueshme dhe ne duhet të jemi të gjithë në një mendje se një punonjës social duhet të jetë në nivelin më të lartë të mundshëm.”
Komisioni për Punën, Çështjet Sociale dhe Shëndetësinë gjatë dikutimeve i kërkoi Ministrisë së Shëndetësisë te disiplinojë po ashtu dhe urdhrin per shërbimin publik, si nevojë për përmirësimin e këtij shërbimi në vazhdimësi.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.