Kubanët njihen me “online shopping” – Shërbimi testohet për herë të parë në vend, edhe pse “primitiv”

Shërbimet e shit-blerjes online janë duke u testuar nga një supermarket në Havana, kryeqytetin e Kubës. Në faqen zyrtare të supermarketit në fjalë, klientët mund të gjejnë ushqim, verë dhe produkte kozmetike mes shumë gjërave të tjera, por jo pajisje elektroshtëpiake apo edhe pajisje të tjera të përmasave më të mëdha.

Supermarketi nuk ofron dërgesën në shtëpi, por klientët duhet të ikin t`i marrin vetë produktet që kanë porositur. Çmimet e produkteve janë të njëjta me ato që janë në supermarket fizikisht. Ndërkohë që për shumëkënd ndër ne kjo mund të duket diçka mëse normale, dhe që në Europë e më gjerë përdoret tashmë prej shumë e shumë vitesh, për kubanët është një risi e jashtëzakonshme, pasi ata vetëm tani po mund ta njohin pazarin online.

Kuba është një vend që vuan teknologjinë dhe risinë. Interneti në vend ende nuk ka hyrë masivisht dhe priviligjenin për të lundruar në rrjet e ka vetë një pjesë e vogël e popullsisë. Qeveria kubane deklaron se shumë shpejt do ta zgjerojë ndjeshëm shërbimin e tregtisë në rrjet, në më shumë qytete dhe në më shumë produkte.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.