Kufiri detar me Greqinë – Meta për “To Vima”: Vendimi i Kushtetueses në 2010, “vija e kuqe”
Vendimi i Gjykatës Kushtetuese të vitit 2010 dhe Kushtetuta janë “vija e kuqe” e negociatave Shqipëri Greqi për kufirin detar. Presidenti Ilir Meta ka dhënë një intervistë për median fqinje “To Vima”, ku ka bërë të qartë qëndrimin e tij për Marrëveshjen e Detit mes Shqipërisë dhe Greqisë.
Në intervistë ai ka folur për rëndësinë e një marrëveshjeje të përshtatshme mes dy vendeve, si dhe për kërkesën për plotfuqishmëri nga ana e Qeverisë Shqiptare për zhvillimin e negociatave.
“Marrëdhëniet e Shqipërisë me Greqinë janë me rëndësi të madhe dhe strategjike. Kjo axhendë përfshin çështje të trashëguara nga e kaluara dhe të tjerët nga e tashmja, të cilat janë të një interesi të përbashkët. Unë e mirëpres faktin që ka një qëllim të mirë për t’u ulur dhe për të diskutuar të gjitha këto çështje, me shpresë se ato janë adresuar në mënyrën më efikase. Shqipëria dhe Greqia janë reciprokisht të interesuara që të kenë një marrëveshje për kufirin detar, të parevokueshme. Përveç Konventave Ndërkombëtare duhet t’u përmbahen dispozitave ligjore vendase” është shprehur meta Meta.
Meta është ndalur edhe në Ligjin e Luftës të Greqisë me Shqipërinë, të cilin e konsideroi absurditet, ndërkohë që nënvzoi se për ccështjen ccame, një plagë e trashëgar nga e kaluara, dy vendet duhet të diskutojnë me kujdes.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.