Kufizime në segmentin rrugor Orikum-Palasë – Policia: Evitoni këtë aks përgjatë 8 orëve të natës

Policia e shtetit ka publikuar njoftimin në faqen e saj zyrtare, për të gjithë drejtuesit e automjeteve, se për shkak të punimeve që do të zhvillohen në ndërtimin e segmentit rrugor Orikum – Palasë, ky segment rrugor do të jetë i kufizuar në të dyja krahët, për të gjitha kategoritë e mjeteve duke filluar që sot në orën 21:00 të mbrëmjes, e deri në orën 05:00 të mëngjesit.

Sipas njoftimit, ky bllokim do të jetë për të gjitha kategoritë e mjeteve dhe do të përsëritet çdo ditë përgjatë orëve të natës deri të Shtunën tjetër 19 Tetor 2019.

Gjithashtu Policia i bën thirrje të gjithë drejtuesve të mjeteve që të evitojnë këtë aks rrugor përgjatë 8 orëve të natës ose të zgjedhin rrugë të tjera alternative.

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.