Kujdes me celularin në makinë! Ndryshimet e Kodit Rrugor: Ai që kapet duke shkruar mesazhe dënohet më ashpër sesa duke folur
Përdorimi i celularit gjatë drejtimit të automjetit konsiderohet si një ndër shkaqet kryesore që shkakton aksidente në Shqipëri. Ndaj, në ndryshimet e reja në Kodin Rrugor i është dhënë rëndësi forcimit të penaliteteve për ata që e përdorin celularin gjatë drejtimit të mjetit.
Por ndryshe nga ndryshimet e tjera, për përdorimin e celularit ka penalitete të ndryshme, të kategorizuara.
Me ndryshimet e reja, nëse e drejton mjetin duke e mbajtur celularin në dorë (edhe nëse nuk jeduke folur apo shkruar mesazhe) gjoba është 5 mijë lekë.
Por nëse e drejton mjetin duke folur celular, atëhere gjoba është 10 mijë lekë.
Penaliteti më i rëndë është në rastet kur policia e kap drejtuesin e mjetit duke i dhënë makinës dhe duke shkruar mesazh njekohësisht. Në këtë rast, gjoba është 15 mijë lekë.
Kur shkelja përsëritet 3 herë brenda viti,atëhere gjoba dyfishohet dhe drejtuesit të mjetit i pezullohet patenta për 3 muaj dhe i hiqen edhe 10 pikë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.