Kukësi drejt transformimit/FSHZH hap tenderin 365 milion lekë. Detajet, çfarë do të ndryshojë
Fondi Shqiptar i Zhvillimit ka shpallur tenderin për rehabilitimin e lagjeve 4,5 dhe 6 të Bashkisë Kukës. Tenderi ka fond limit 365 milionë e 666 mijë lekë. Data e dorëzimit të ofertave 11 shtator 2020.
Projekti i rehabilitimit kompleks për Lagje 4,5,6 që përfshin gjithë zonen e pallateve dhe vila 2-3 kat si që synon të përmbushë objektivin e Bashkisë Kukes, për rehabilitimin e infrastrukturës në tërësinë e vet duke përfshirë si, urbanizimin e lagjeve 4,5,6, arkitekturën e objekteve ekzistuese, infrastruktura rrugore, ndriçimi, gjelbërimi, si dhe infrastrukturën nëntokësore K.U.B., K.U.Z., rrjetin elektrik, telefonik, internetit dhe televizionit si më poshtë:
Projekti i arkitektonik dhe urbanistik
Është hartuar projekti dhe preventivi për fazën e projektit te zbatimit, shoqëruar me raportet teknike përkatëse, për rehabilitimin e rrugeve, hapesirave publike midis pallateve, në përputhje me arkitektonikën e secilit objekt më vehte por dhe me unifikimin e tyre dhe lidhje me zhvillimin urban që do të marri zona me investimet që do të kryhen ngs implementimi i këtij projekti.
Në kushtet ekzistuese të zones dhe ndërtimet pa leje që janë prezente lind nevoja që të riorganizohet territori për tu përdorur për rrugë automobilistike, rruge këmbesore, ambiente pushimi me gjelberim. Rruga do të ketë 1 korsi levizje dhe trotuare nga te dy anet.
Projekti i infrastrukturës rrugore
Është hartuar projekti dhe preventivi për fazën e projektit te zbatimit, shoqëruar me raportet teknike dhe specifikimet teknike përkatëse, për rehabilitimin e rrugëve ekzistuese, në përputhje me planin detajuar vendor të përgatitur nga bashkia dhe në konformitet me kërkesat e veçanta për rrugët të përshkruara në detyrën e projektimit. Përveç planimetrisë së rrugëve, rrugëve këmbësore dhe trotuarëve jepen edhe profilat gjatësorë të tyre së bashku me kuotat përkatëse të niveletave si në pikat e intersektimit të tyre me rrugët ekzistuese ashtu edhe në vëndet e thyerjes së niveletave. Jepen gjithashtu edhe detajet e rrugëve nëpërmjet profilave tërthorë të tyre ku përveç komponentëve përbërës të trupit të rrugës me përmasat përkatëse jepen edhe detaje të nevojshëm për zbatim si distancat e rrugës nga objektet ekzistuese, etj.
Projekti i rehabilitimit të rrjetit kanalizimeve të ujrave të zeza dhe të bardha
Është në proçes hartimi i projektit dhe preventivit për fazën e zbatimit, shoqëruar me specifiket teknike përkatëse, për rehabilitimin e rrjetit të ujësjellësit dhe kanalizimeve ekzistuese dhe i linjave të reja në përputhje me planin urbanistik të përgatitur nga Bashkia dhe në konformitet me kërkesat e veçanta për ujësjellësin të përshkruara në këtë detyrë projektimi. Pjesë e ketij projekti është planimetria e rrjetit të ujësjellësit dhe planimetria e rrjetit të kanalizimeve të paraqitura në shkallë 1:500 si dhe të gjitha detajet e nevojëshme për zbatimin e tyre si profilat gjatësorë, pusetat, komponentët e nyjeve lidhëse, armaturat përkatëse dhe rakorderitë, etj.
Projekti i rehabilitimit të rrjetit elektrik dhe ndriçimit të rrugëve
Është hartuar projekti i zbatimit të rrjetit të ndriçimit në zonë duke përfshirë nevojën e rehabilitimit të rrjetit elektrik shpërndarës pamvarsisht se ajo është detyrë e vetë OSHEE-së. Në planimetrinë e projektit
është paraqitur rrjeti elektrik shpërndarës i fuqisë në zonë së bashku me kabinat e transformatorëve të fuqisë.
Përsa i përket linjave të ndriçimit, projekti është në proçes në përputhje me azhornimin e rrjetit elektrik i cili u bë i mundur nga OSHEE-ja. Projekti i zbatimit për komponentin e ndriçimit është i plotë ashtu si edhe preventivi për fazën e zbatimit, shoqëruar me specifikimet teknike përkatëse dhe do të mundësojë krijimin e një rrjeti ndriçimi ekonomik dhe bashkëkohor.
Në projekt janë paraqitur linjat e reja të shpërndarje të nevojëshme për sigurimin e ndriçimit të rrugëve të bllokut në shqyrtim së bashku me të gjithë komponentët (si shtyllat, llojet e ndiçuesve, pusetat dhe të gjitha detajet e nevojshëm për zbatim) në përputhje me planin urbanistik të përgatitur nga Bashkia dhe në konformitet me kërkesat e veçanta për rrjetin e ndriçimit të përshkruara në detyrën e projektimit.
Kosto e projektit – preventivit të veprës për projektin e zbatimit
Për të gjitha punimet që do të kryhen në kuadrin e projektit është përgatitur preventivi i plotë i detajuar i ndarë sipas punimeve për fazën e projektit të zbatimit bazuar dhe në specifikimet teknike, duke marrë parasysh edhe kërkesat e veçanta të bashkisë në lidhje me standartet e pranuara për çdo nënobjekt dhe me çmimet e tregut të ndërtimit dhe të materialeve të ndërtimit të publikuara nga Keshilli i Ministrave për vitin 2015. Preventivi i detajuar së bashku me faqen përmbledhëse për çdo objekt të bllokut është paraqitur veças së bashku me fletët e vizatimit dhe me specifikimet teknike të projektit.
REALIZIMI I KËRKESAVE TE VEÇANTA TË PROJEKTIT
Për të realizuar një cilësi të lartë të zbatimit të punimeve të sistemimit dhe rikonstruksionit të infrastrukturës së zones ne studim gjatë hartimit të projektit, specifikimeve teknike dhe preventivit të veprës janë marrë parasysh dhe janë zbatuar kërkesat e veçanta të projektit të renditura këtu më poshtë:
Për komponentin ‘Rehabilitimi i Rrugëve dhe Trotuareve’
Rrugët
Rrugët janë trajtuar në përputhje me zhvillimin urban qytetit, duke mare parasysh pallatet ekzistuese dhe ndertimet pas viteve ‘90 ne proces legalizimi Gjërësia e trupit të rrugës është marrë në përputhje me kushtet aktuale 5.0 m për pjesën brenda lagjes. Materialet që do të përdoren do të jenë të gjitha sipas kushteve teknike të rrugëve. Materiali kryesor ndërtimor për nënshtresat e rrugës do të jetë çakëlli, stabilizanti, kurse për shtresat e sipërme të rrugës do të jetë binderi dhe asfaltobetoni (shih profilat tërthorë të rrugëve si dhe specifikimet teknike përkatëse). Në të nje anë e rrugëve do të ketë kunet ujëmbledhëse për grumbullimin e ujrave të shiut dhe për transportimin e tyre në pusetat e ujrave të bardha. Prej andej ato transportohen në pusetat e rrjetit të kanalizimeve të ujrave të zeza nëpërmjet rrjetit të tubacioneve të ujrave të bardha për t’u nxjerrë pastaj jashtë bllokut në drejtim të kolektorëve kryesorë të qytetit.
Shtresat e rrugës janë llogaritur dhe trajtuar në mënyrë të tillë që të sigurojnë garanci per rrugën, qëndrueshmëri dhe të përballojnë kapacitetet faktike dhe të perspektivës. Për trashësinë e shtresave të ndryshme që përbëjnë pjesën kaluese të rrugës shih prerjet tërthore në fletët e vizatimi për çdo seksion të tyre, ndërsa mënyrën e llogaritjes së shtresave rrugorë shih paragrafin “Llogaritja e trashësisë së shtresave rrugore” në fund të këtij relacioni teknik.
Trotuarët
Gjerësia e trotuarëve është marrë në të dy anët jo më pak se 1.5 m për rrugët me gjërësi të trupit 5.0 m. Atje ku nuk ka qene e mundur trotuaret janë marrë ndertuar vetem nga njera ane e rruges me gjërësi 1.5 m. Trotuaret ndahen me rrugën nëpërmjet bordurës prej betoni dhe nga ana e gjelbërimit me anë të një bordure tjetër betoni me përmasa më të vogla ose mure rretues ekzistues (shih fletët e vizatimit për detajet).
Është parashikuar shtrimi i trotuareve me pllaka beton. Ngjyra e pllakave dhe dekori i tyre (forma gjeometrike dhe zbukurimet) do të përcaktohet në vënd në bashkëpunim me specialistët e fushave përkatëse gjatë zbatimit të punimeve.
Parkimi
Përveç krijimit të mundësisë së parkimit në rrugët e brëndëshme të lagjes të cilat janë të gjera jo më pak se 5 m, është patur parasysh nevoja në rritje për sheshe parkimi për banorët e zonës si edhe për të tjerët të cilët gjatë ditës kryejnë aktivitete të ndryshme në zonë. Për këtë arsye, gjatë hartimit të projektit është parë mundësia e ndërtimit të parkimeve ne brendesi te bllokut me gjeresi 2.5 ÷ 4 m.
Për zonat ku nuk është e mundur të krijohen xhepa parkimi, bordura e trotuareve do te vendoset horizontalisht me qellim qe gjate nates makinat te parkojne gjysem mbi trotuar. Nga ana e bashkisë duhet të menaxhohet trafiku duke mos lejuar parkimin e mjeteve gjate dites duke evituar bllokimin e rrugës.
Skema e qarkullimit rrugor dhe sinjaletika horizontale dhe vertikale
Gjërësia e rrugëve e nuk krijon plotesisht kushtet edhe për lëvizje me dy kahje, dhe eshte e nevojshme qe levizja ne lagje te behet e orjentuar me tabela ne 1 sens levizje.
Mbi skemën e përgjithëshme të kanalizimeve të ujrave të zeza
Në situatë normale jo-shiu në dukje nuk ka probleme të rrjetit të kanalizimeve të ujrave të zeza të shkaktuar nga dimensionet e rrjetit shpërndarës në zonë. Por në situata reshjesh atmosferike krijohen probleme serioze në zonë që çojnë edhe në degradimin e rrugëve si pasojë e qëndrimit të ujrave për një kohë të gjatë mbi rrugë duke dëmtuar nënshtresat rrugore dhe duke shkaktuar çedime të bazamentit të tyre gjatë kalimit të mjeteve edhe të tonazhit të mesëm .
Problemi qëndron në faktin që rrjeti i kanalizimeve ekzistues të zonës është për një sistem miks dhe pjesërisht në disa segmentë të tij është i bllokuar dhe ka probleme që në ndonjë rast kërkojnë domosdoshmërisht edhe zëvëndësim të tubacioneve me tubacione të rinj.
Nga inspektimet me specialistet e Bashkise eshte verejtur se zona ka nevoje per nje rikonstruksion total te sistemit te K.U.Z dhe per faktin qe ai derdhet ne disa pika .
Me hartimin e projektit te ri do te behet e mundur ndarja e sistemit te ujrave te zeza nga ato te bardha, duke bere te mundur qe ne te ardhmen te ndertohet dhe impianti i trajtimit te ujrave te ndotura .
Tubat e rinj do të jenë me material H.D.P.E te brinjezuar me diameter DN/OD 250 ÷ 500 mm SN 8 .
Detajimi i nyjeve të rrjetit të kanalizimeve të ujrave të zeza
Pusetat e rrjetit të kanalizimeve të ujrave të zeza do të ngelen per pallatet ekzistuese dhe do te ndertohen te reja per te gjithe pjesen e sistemit .
Përveç sa më sipër është parashikuar edhe detaji i derdhjes së ujrave të shiut nga kolektorët përkatës në pusetat e kanalizimit të ujerave të zeza.
Për komponentin e “Gjelbërimit dhe Ambientet e Pushimit”
Në rehabilitimin e plotë të lagjeve 4,5,6 është parashikuar komponenti i gjelbërimit të ulët dhe të lartë. Për gjelbërimin është pasur parasysh si gjelbërimi i sipërfaqeve të lulishteve ashtu edhe ai rrugor me pemë dekorative. Gjelbërimi i lulishteve parashikon ndërtimin e sipërfaqeve të gjelbëra duke krijuar fillimisht kushtet për gjelbërimin, me tokë vegjetale të pasur me humus, për të proçeduar më pas me mbjelljen e barit, luleve, shkureve dhe pemeve.
Rekomandohet që si tip bari të përdoret një varietet bari i tipit “ever green” që garanton gjelbërim në çdo stinë të vitit dhe është i rezistueshëm si ndaj të ftohtit e stinës së dimrit ashtu edhe nga të nxehtit e verës.
Për të bërë të mundur mbjelljen e pemëve dekorative në nje anë te rrugës është parashikuar që, aty ku është e mundur, gjërësia e trotuareve të bëhet 2m. Kjo gjërësi lejon mundësinë e mbjelljes së pemëve dekorative tip Pisha, Manjola dhe Blir në anë të rrugës si dhe vendosjen e tubacioneve rezervë nën trotuar për të mundësuar zhvillim të më vonshëm të rrjetit inxhinierik nëntokësor pa qënë nevoja të prishet trotuari ose rruga.
Është parashikuar që për çdo pemë dekorative të ndërtohet kornizë (bordurë) betoni për ndarjen e pllakave të troturarit nga toka e lirë ku do të mbilllet pema. Pemë dekorative do të mbillen edhe në vendet e çlodhjes në lulishte si edhe na konturin e parkingeve (shih planin e gjelbërimit). Përveç zonave të gjelbëra, në to është parashikuar edhe këndet e çlodhjes me stola, me kënd lojrash për fëmijë si dhe rrugicat që çojnë atje.
Për komponentin ‘Ndriçimi i Rrugëve të Bulevardit që Rehabilitohet’
Në rrugët e qytetit është parashikuar vendosja në njërin krah e shtyllave të reja metalike me lartësi H=7.0m dhe me spesor δ=4mm. Dhe shtyllave me H = 5.8 m per zonat e rrugeve pedonale dhe lulishtes.
Kokat e ndriçuesave është parashikuar me gradë të lartë rezistence dhe me reflektor alumini i paoksidueshëm dhe me luçidim të lartë për të mundësuar pasqyrimin e dritës në një masë shumë të lartë. Në mënyrë që të mundësohet çmontim-montim i shpejtë gjatë mirëmbajtjes, xhami i ndriçuesit është parashikuar me hapje dhe mbyllje me çernierë.
Llampat e ndriçimit janë parashikuar led me ngjyrë të verdhë dhe me fuqi 250 W. Linja e ndriçimit është parashikuar me trase nëntokësore ku të vendoset tub plastik fleksibël me dy shtresa me =75 mm për kalimin e kabllit të furnizimit dhe tub betoni me =300 mm për intersektim rruge. Pusetat janë parashikuar prej betoni me përmasa brenda-për-brënda 40x40x40cm dhe të mbuluara me kapak gize. Distanca ndërmjet pusetave është parashikuar 25m dhe ato janë parashikuar të vendosen mbrapa çdo shtylle për tu mbrojtur nga dëmtimet e makinave. Panelet e komandimit janë parashikuar të vendosen të rinj me komandim sauteri me fotoelementë.
Furnizimi me energji i rrjetit të ndriçimit do të bëhet nga kabinat egzistuse ne zonë. Në këto kabina do të instalohen panelet e ndricimit rrugor te cilet do ushqehen me ura të veçanta nga tranformatori egzistues. Në kabinë është parashikuar të vendosen matësat e energjisë për ndriçimin rrugor dhe është parashikuar tokëzimi i shtyllave të ndriçimit. Për më tepër detaje shih specifikimet teknike përkatëse.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.