Kur do të ketë Tirana 24 orë furnizim me ujë? – Kacidhja: Projekti 144 milionë euro, eleminon tërësisht depozitat

Bashkia e Tiranës do të marrë një kredi prej 80 milionë eurosh nga Banka Evropiane e Investimeve me qëllim furnizimin e pandërprerë me ujë në kryeqytet.

Projekti “Furnizimi dhe shpërndarja me ujë” për Tiranën (UKT) ka për qëllim të kontribuojë në përmirësimin e kushteve të jetesës së rreth 800 mijë banorëve , duke siguruar furnizim 24 orë me ujë të pijshëm dhe eleminim të depozitave.

Kontarata është diskutuar në komisionin për veprimtarinë prodhuese. Por cili është afati i fundit kur i gjithë kryeqyteti do të ketë furnizim të pandërprerë me ujë të pijshëm?

Vlera totale e projektit është 144.5 milionë euro , nga të cilat 80 milionë euro janë hua nga Banka Evropiane e Investimeve dhe pjesa tjetër e investimit janë fonde të Ujësjellës Kanalizime Tiranë.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.