Kur teknologjia të shpëton jetën! Rasti i 58 vjeçares me mpiksje në tru
Ndërsa vijon debati se sa e vlefshme apo e dëmshme është teknologjia, na vjen një shembull se pikërisht ajo mund të na shpëtojë jetën.
Opokua Kwapong, 58 vjeçe, jeton e vetme në New York.
Ajo po bisedonte me të motrën Adumea Sapong në “Face Time” (aplikacion që kryen telefonata me video) kur kjo e fundit u alarmua. Sipas Sapong, e motra fliste me vështirësi dhe diçka nuk shkonte me pamjen e saj.
Kwapong pranoi që kohët e fundit nuk ndihej mirë dhe kishte vështirësi në të ecur. Ndërkohë që ajo merrte një aspirinë, Sapong vuri re vështirësitë me të cilat e motra kryente veprimet, kështu që vendosi te telefononte spitalin.
Pas analizave të mëtejshme, Kwapong u diagnostikua me mpiksje në tru, gjë që e kishte paralizuar në anën e majtë të trupit.
58 vjeçarja është e lumtur që teknologjia i shpëtoi jetën, duke pranuar se gjërat mund të kishin shkuar shumë më keq nëqoftëse nuk do e kishte bërë kurrë atë telefonatë.
Mjekët paralajmërojnë që një goditje e tillë mund t’i ndodhë kujtdo, në çdo moshë, prandaj është shumë e rëndësishme që të gjithë të jenë të kujdesshëm.
Goditje të tilla ndodhin kur gjaku nuk arrin të furnizojë trurin për shkak të një mpiksjeje ose dëmtimi në qelizat e trurit. Si ta kuptojmë shpejtë në qoftë se dikush rrezikohet nga goditja në tru?
-Shprehi të dobëta të fytyrës – A mundet personi të buzëqeshë? A ka diçka që nuk shkon me gojën apo sytë?
-Krahë të dobët – A mundet personi t’i ngrejë lart të dy krahët?
-Probleme me të folurën- A mundet personi të flasë qartë dhe të kuptojë çfarë i thoni?
Në qoftë se vini re ndonjërën nga këto shenja, është koha për të telefonuar mjekun.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.