Për t’u përballur me konkurencën e ashpër të iPhone dhe Samsung në tregun e smartfonave, kompania finlandeze, Nokia, tashmë po synon masat dhe çmimin. Nokia ka nisur fushatën publicitare të Nokia Asha501, një smartphone që pritet të dalë në shitje në muajin qershor me çmimin prej 99 dollarësh, pa përfshirë taksat që variojnë në sipas vendeve. Por përveç çmimit tejet të arsyeshëm, kompania finlandeze sjell një produkt cilësor, praktik dhe që ofron argëtim të garantuar. Ekrani është ndërtuar kundër tendencës së fundit që shkon drejt zmadhimit dhe është 320x240 piksel. Nokia i ka kushtuar rëndësi prakticitetit të produktit më të ri. Me një prekje mund të kryesh telefonatë, të hapësh internetin, të shohësh postën apo të luash. Aparati ofrohet në dy mundësi, mono dhe dual sim. Kohëzgjatja e baterisë është në nivele rekord, plot 48 ditë stand by, mbi 7 ditë me shërbimin e internetit 2G dhe mbi 3 ditë me 3G të aktivizuar. Kamera është 3.15 megapiksel, ndërsa sistemi i operimit është Nokia Asha Platform Software 1.0. Përgatiti: Lidion Kulla

Samsung Electronics ka prezantuar versionin më të ri të smartfonit, Galaxy S4. Prezantimi është bërë sot në Seul, ndërsa shitja do të fillojë nga dita e Premte, fillimisht në Korenë e Jugut dhe në fund të Prillit do të jetë në tregjet e 150 vendeve në mbarë botën. Linja e smartfonëve “S” të Samsung, ka konkuruar denjësisht ndaj produktit të Apple, iPhone dhe po ndihmon kompaninë koreano-jugore të zerë vendin e parë të botë në tregun e smartfonëve. Sipas zyrtarëve, modeli i ri S4 ka software-in më të mirë të prodhuar ndonjëherë, që do ta bëjë atë të funksionojë shumë shpejt dhe pa ndërprerje. Gjithashtu S4 ka edhe ekranin e parë “Full HD”, të përrdorur në smartfona, të quajtur AMOLED. Ndërsa ekspertët e pavarur e kanë cilësuar Galaxy S4, si një telefon shumë të mirë, por jo më i miri i prodhuar ndonjëherë.  Përgatiti: Lidion Kulla

Një kompania ajrore nga ishujt e paqësorit Samoan ka vendosur të tarifojë për biletat e udhëtimeve në bazë të peshës trupore të pasagjerëve. Vendimi në fakt është marrë që në nëntorin e kaluar por tashmë ka tërhequr vëmendjen e të gjithë botës pas publikimit të një artikulli të ekonomistit Norvegjez që propozonte të gjitha kompanitë të vendosin çmimet e udhëtimit në bazë të peshës. Kompania nga ishulli turistik ka mbrojtur këtë vendim dhe thotë se rezistenca do të haset në momentet e para dhe më vonë të të pranohet si e natyrshme. Në fakt kostot e fluturimeve janë në varësi të peshës së objektit që fluturon në ajër dhe më pak në varësi të përmasave apo luksit. Përfaqësuesit e kompanisë thonë se shumë udhëtarë do të përfitojnë. Tarifat janë rreth 57 cent të dollarit për çdo kilogram në fluturimet e brendshme dhe 1.03 dollarë për kilogram për fluturimet ndërkombëtare. Përgatiti: Ermal Ngjelina

Fustanin e mbrëmjes që princesha Dajana e përdori në vallëzimin me Xhon Travolta në vitin 1985 në Shtëpinë e Bardhë, e ka blerë një burrë romantik për 240 mijë paund ose 362 mijë dollarë amerikanë. Ky fustan u shit në ankandin e mbrëmjes së kaluar dhe blerësi kreu procesin nëpërmjet telefonit duke mbetur anonim. Organizatori i ankandit refuzoi të japë emrin e personit, duke thënë se fustani do të jetë një surprizë për gruan e blerësit. Fustani është dizenjuar nga Victor Edelstein dhe ka qenë një prej 10 fustaneve të princeshës që dolën në ankand. Në total ankandi mblodhi një fond prej 862 mijë e 800 ose afërsisht 1.3 milionë dollarë amerikanë. Përgatiti: Ermal Ngjelina