“Kurorëzohet” Maduro – Lideri i Venezuelës fiton mandatin e ri, në një kohë të krizës ekonomike

Lideri i majtë i Venezuelës, Nicolas Maduro, fitoi mandatin e ri 6-vjeçar gjatë votimit në ditën e Diel, megjithatë, rivalët e tij e akuzuan procesin e zgjedhjeve për parregullsi të mëdha. Fitorja për 55-vjeçarin që zëvendësoi Hugo Chavez në vitin 2013, mund të sjellë një raund të ri të sanksioneve perëndimore kundër qeverisë socialiste, ndërkohë që përballet me një krizë shkatërruese ekonomike.

Administrata e Donald Trup ka kërcënuar se do të ndërhyjë te sektori i naftës në Venezuelë.  Bordi i zgjedhjeve në Venezuelë, i drejtuar nga mbështetësit e Maduro, deklaroi se morri 5.8 milionë vota, kundër 1.8 milionë për sfiduesin më të afërt Henri Falcon.  Pjesëmarrja në votim arriti në vetëm 46.1%, sipas bordit, në rënie nga 80% që rezultoi në votimin presidencial të vitit 2013.   Por, sipas opozitës, rezultati ishte i fryrë, ndërkohë që projektoi një pjesëmarrje në rreth 30%.

“Procesit i mungon ndjeshëm transparenca dhe ne nuk e njohim”, tha  Falcon, ish guvernatori i vendit. Maduro nga ana tjetër, e mirëpriti kandidaturën e tij,  duke i dhënë pak legjitimitet një procesi që kritikët e kanë quajtur si kurorëzimin e një diktatori. Pavarësisht njollës mbi fundosjen ekonomike të vendit, Maduro përfitoi ditën e Diel jo vetëm nga bojkoti i opozitës, por edhe nga ndalimi i dy prej rivalëve më të njohur të tij dhe përdorimi i lirshëm i burimeve shtetërore gjatë fushatës.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.