Kursi i këmbimit/ Paundi humbet 1 pikë gjatë fundjavës, dobësohet ndjeshëm edhe Dollari amerikan
Kjo javë ka nisur e qëndrueshme për monedhën europiane e cila vazhdon edhe këtë të hënë të blihet me 123.9 lekë dhe të shitet me 124.5 lekë sikurse edhe javën e kaluar.
Ndërkaq Paundi britanik ka humbur 1 pikë gjatë fundjavës duke u blerë sot me 135.5 lekë dhe duke u shitur me 137 lekë krahasuar me javën që shkoi, sipas kursit të këmbimit lokal.
Dollari amerikan gjithashtu ka regjistruar një zbritje prej 0.5 pikë nga periudha e 22-26 qershorit duke u blerë këtë fillim jave me 110 lekë dhe duke u shitur me 111 lekë.
Referuar të dhënave të tregut valutor vendas Franga zvicerane ka pësuar një zbritje të lehtë të vlerës ditën e sotme në raport me javën që lamë pas teksa blihet me 115.6 lekë dhe shitet me 116.8 lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.