Kursi i këmbimit/ Rritja e “çmendur” e valutave të huaja. Si ka nisur kjo javë për Euron, Paundin dhe Dollarin ?!

Kjo javë vazhdon të ndjek ecurinë e javës së kaluar duke regjistruar sërish një rritje të rëndësishme për valutat e huaja kundrejt monedhës vendase. Euro këtë të Hënë blihet me 129 lekë dhe shitet me 133 lekë sipas tregut valutor vendas duke shënuar një rritje prej gati 2 pikë nga java e kaluar.

Nndërkaq Paundi britanik është duke rikuperuar duke fituar prapë pikë teksa po i afrohet vlerave të para 2-3 javëve, pasi është blerë sot me 140 lekë dhe është shitur me 149 lekë.

Dollari amerikan është rritur sërish duke u ngjitur me rreth 2 pikë krahasuar me javën e shkuar, teksa blihet sot me 116 lekë dhe shitet me 120 lekë referuar kursit të këmbimit lokal.

Franga zvicerane vazhdon të fitoj pikë edhe gjatë kësaj jave duke u blerë sot me 118.2 lekë dhe shitur me 122.5 lekë në raport me periudhën e 23-28 marsit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.