Kursi i këmbimit/ Rritje e përgjithshme e valutave të huaja. Rimëkëmben ndjeshëm Paundi dhe Dollari.
Këtë të premte Paundi britanik është rimëkëmbur disi nga rënia drastike që pësoi gjatë tërë kësaj jave duke fituar 2 pikë. Sipas tregut valutor vendas Paundi është blerë sor me 131 lekë dhe është shitur me 137 lekë.
Ndërkaq edhe Dollari amerikan e ka mbyllur javën pozitivisht teksa ka fituar 1.4 pikë dhe sipas kursit të këmbimit lokal është blerë sot me 112.8 lekë dhe është shitur me 115 lekë.
Monedha europiane ndërkaq është forcuar këtë fund jave pasi është blerë sot me 122.8 lekë dhe është shitur me 123.7 lekë krahasuar me një ditë më parë.
Franga zvicerane gjithashtu është rritur me 0.6 pikë teksa blihet sot me 115.4 lekë dhe shitet me 116.5 lekë në raport me ditën e djeshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.