Kursi i këmbimit valutor, Euro ndal rënien – Paundi britanik forcohet ndjeshëm ndaj lekut
Pas disa ditësh në trend rënës, ku monedha europiane është dobësuar lehtë ndaj lekut, euro duket se ka ndërprerë rënien. Valuta fiksohet sot në kuotën e 125.2 lekëve në blerje dhe 126 lekëve në shitje.
Ndërkohë, dollari amerikan vijon luhatjet në tregun e këmbimit valutor vendas. Valuta amerikane është zhvlerësuar me 0.3 lekë për njësi kundrejt lekut nga një ditë më parë, duke zbritur kështu në kuotën e 108.7 lekëve.
Ndryshe nga euro dhe dollari, paundi britanik është forcuar ndjeshëm ditën e premte duke treguar epërsi ndaj lekut. Sterlina u rrit me 0.8 lekë për njësi kundrejt lekut krahasuar me ditën e djeshme dhe tashmë valuta këmbehet në pikat e këmbimit valutor për 141.8 lekë në blerje dhe 141.8 lekë në shitje.
Lidhur me valutat e tjera të huaja, franga zvicerane u rrit me plot 0.4 lekë për njësi dhe fiksohet sot në kuotën e 109.8 lekëve. Ndërsa, sa i takon dollarit kanadez dhe atij australian, monedhat e kanë mbyllur javën të zhvlerësuara kundrejt kundrejt lekut.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.