Kush do të jetë presidenti i ardhshëm i Eurogrup-it? – Nis gara për kandidatët e mundshëm

Gara për pasuesin e Mário Centeno si drejtues i Eurogrup i cili është organi joformal që bashkon ministrat e financave të vendeve të Eurozonës ka nisur.Centeno u largua si Ministri i Financave i Portugalisë dhe Presidenti i Eurogroup në fillim të këtij muaji.

I kredituar për sjelljen e deficitit buxhetor të Portugalisë afër zeros pasi u tërhoq gjatë krizës financiare të Europës, Centeno nuk dha arsyen e dorëheqjes.

Ministrat e financave kanë kohë deri në 25 qershor të paraqesin kërkesat e tyre për të pasuar Centeno.

Për momentin, ata që kanë më shumë gjasa të bëjnë një ofertë për presidencën janë Nadia Calviño, zëvendëskryeministri i Spanjës për ekonominë, Pierre Gramegna, ministri i financave të Luksemburgut dhe Paschal Donohoe, homologu i tij irlandez.

Sfidat më të mëdha me të cilat duhet të përballet presidenti i ri përfshijnë ndikimin socio-ekonomik të krizës COVID-19 dhe buxhetin e ri të BE-së. Por ka edhe përparësi kyçe të reformës së Eurozonës, përfshirë përfundimin e bashkimit bankar të bllokut, ku përparimi ka ngecur.

“Unë mendoj se puna e presidentit të Eurogroup do të jetë gjetja e urave,” tha Janis Emmanouilidis, drejtor i studimeve në Qendrën e Politikave Europiane. Kushdo që merr kurorën, duhet të gjejë kompromise midis kombeve të ndryshme.

Por Emmanoulidis e sheh rënien ekonomike të koronavirusit si një mundësi “të shtyjë gjërat përpara” dhe të ketë një reformë më themelore të Eurozonës.

As Calviño, një anëtar i qeverisë së drejtuar nga Socialistët në Spanjë dhe Gramegna e Luksemburgut nuk janë të lidhur me Partinë e Popullit europian të qendrës së djathtë, e cila mund të rrisë shanset e tyre për t’u bërë president. Kjo për shkak të presionit që postet të shpërndahen më gjerësisht midis familjeve politike europiane.

Zgjedhjet janë caktuar të mbahen më 9 korrik. Presidenti zgjidhet me shumicë të thjeshtë për një mandat dy vjet e gjysmë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.