Kush e shpiku domaten e konservuar mbi 200 vjet më parë?!
Konserva e parë e domates u bë nga një shpikës francez në 1796. Fabrika e parë italiane ishte ajo e Francesco Cirio, në Campania, në 1875.
Në pica, makarona, perime … Domatet e konservuara në kuzhinë nuk mungojnë kurrë. A e dini sa kohë është përdorur për gatim? Për më shumë se 200 vjet. Metoda e ruajtjes së domates u revolucionarizua nga shpikja e francezit Charles Nicolas Appert (1749-1841), i cili në 1795 krijoi konservat e para nën xham.
Shpikësi ndjeu se ngrohja e një vazo qelqi të mbyllur hermetikisht në ujë të valuar mund të zgjaste shumë ruajtjen e perimeve: ai nuk mund ta dinte (bakteriologjia nuk kishte lindur ende), por ngrohja çaktivizon enzimat përgjegjëse për degradimin kimik dhe vret mikroorganizmat që përndryshe do të vazhdonin të ushqehen me lëndë ushqyese, duke shkaktuar prishjen e përmbajtjes.
Ruajtja hermetike e ushqimit gjithashtu revolucionarizoi organizimin e ushtrisë Napoleonike, pasi ajo lejoi jetën e gjatë të ushqimit të konservuar për trupat dhe gjithashtu transportin më të lehtë të saj.
Në Itali, sipërmarrësi Francesco Cirio hapi fabrikën e parë të bizeleve të kosnervuara në Torino në 1856 dhe në 1867 ai prezantoi produktet e tij të para në Ekspozitën e Madhe Universale në Paris të cilën më pas filloi të eksportonte në të gjithë botën, nga Liverpool në Sidnei.
Njëzet vjet më vonë, në 1875, ai krijoi fabrikën e parë për ruajtjen e domateve, Cirio në Campania. Pjesa më e madhe e industrisë së konservimit, megjithatë, u zhvillua vetëm në Parma në fund të shekullit të nëntëmbëdhjetë. (Focus)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.