Kush është John Lewis, heroi i të drejtave civile dhe mik i ngushtë i Luther King, i cili ndërroi jetë ditën e djeshme
John Lewis, heroi i të drejtave civile dhe kongresmeni demokrat i SHBA, ka ndërruar jetë në moshën 80 vjeçare.
Lewis nga Alabama, u bë një udhëheqës i shquar i lëvizjes për të drejtat civile në vitet 1960. Një anëtar themelues i Komitetit Koordinues Studentor jo të dhunshëm, ai u bë kryesuesi i saj në 1963, dhe ndihmoi në organizimin e marshit në Uashington, kur Martin Luther King Jr mbajti fjalimin e tij “Unë kam një ëndërr”.
Lewis ishte i mbijetuari i fundit nga aktivistët për të drejtat civile “Big Six”, një grup i udhëhequr nga King që ndikoi më së shumti në lëvizje. Lewis ishte i njohur për udhëheqjen e rreth 600 protestuesve në marshimin e së Dielës së Përgjakshme përtej Urës Edmund Pettus në Selma në 1965. Ai ishte duke ecur në krye të marshit me duart e futura në xhepat e palltos, kur u hodh në tokë dhe u rrah nga policia. Kafka iu copëtua, dhe imazhet e televizionit kombëtar të brutalitetit detyruan vendin të çonte vëmendjen tek shtypjet racore në Jug.
Lewis u zgjodh si kongresmeni për rrethin e 5 të Xhorxhias në 1987 dhe mbajti detyrën deri në vdekjen e tij. Ai njoftoi se po trajtohej për kancerin e pankreasit në fazën 4 në dhjetor të vitit të kaluar.
“Unë kam qenë në – për lirinë, barazinë, të drejtat themelore të njeriut – për gati gjithë jetën time,” tha ai në atë kohë. “Unë kurrë nuk jam përballur me një luftë sikurse kjo që jam duke përballur tani.”
Kryetarja e Senatit Nancy Pelosi konfirmoi se Lewis kishte vdekur nga kanceri i pankreasit, në një deklaratë të premten në mbrëmje.
Ish-presidenti Barack Obama tha se Lewis “e donte aq shumë këtë vend saqë rrezikoi jetën dhe gjakun e tij në mënyrë që të mund të jetonte në premtimin e tij për një SHBA të barabartë.”
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.