Kush është kandidati për anëtar Bordi i Mbikëqyrjes Financiare! Miratohet nga Komisioni i Ligjeve

Idlir Gjata pritet të jetë anëtari më i ri i Bordit të Autoritetit të Mbikqyrjes Financiare.

Komisioni i Ligjeve, me prezencën vetëm të anëtarëve të mazhorancës, miratoi unanimisht kandidaturën e Gjatës mes tre kandidaturave të paraqitura.

Veç Gjatës, në komisionin e Ligjeve u zhvilluan seanca dëgjimore edhe me dy kandidatët e tjera Klejda Haxhi dhe Ermir Hajdari.

Gjata prej disa vitesh mban detyrën e këshilltar pranë komisionit parlamentar të Ekonomisë dhe gjithashtu ka eksperiencë si anëtar të Bordit Këshillimor në AMF, për hartimin e politikave të zhvillimit të tregut të sigurimeve.

Ai ka kryer studimet 3-vjeçare dhe Master në universitetin “Bocconi” në Milano.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.