Kush është ‘koka e dragoit’ në takimet e Xi dhe Mitsotakis?!

Është një rast i rrallë kur kryeministri grek takohet me presidentin kinez dy herë brenda një jave. Kyriakos Mitsotakis i Greqisë dhe Xi Jinping i Kinës u takuan pothuajse dy javë më parë në Shanghai ndërsa i pari po ndiqte ekspozitën më të madhe të import-eksportit Kinës dhe u takua përsëri në Athinë kur Xi ishte në kryeqytetin Grek nga 10-12 nëntor.

Vizita e Xi nuk ishte thjesht një veprim mirësjellje që nënkuptohej si një shpagim diplomatik kur Presidenti Grek Prokopis Pavlopoulos vizitoi Pekinin në maj. Në vend të kësaj, Xi solli me vete një delegacion të madh ministrash dhe zyrtarë shtetërorë.

Të gjitha këto vijnë mes një trazire të madhe për rolin që Kinezët po luajnë në riparimin e portit të Athinës, Pire, që është në pararojë të interesit të Kinës për Greqinë. Pekini fillimisht investoi në Pire, në një kohë kur marrëveshjet e biznesit me Kinën nuk ishin as të njohura, as të zakonshme. Në vitin 2009, qeveria konservatore e Kostas Karamanlis përfundoi privatizimin e Portit të Pireut dhe blerësi ishte gjiganti i anijeve shtetërore të Kinës, Cosco. Që nga ajo kohë, Cosco ka bërë investime masive në infrastrukturë në port.

Blerja e portit Pireut ishte investimi më i madh i Kinës në Greqi dhe Cosco së fundmi mori miratimin për një plan të ri investimesh nga autoritetet greke për të ndërtuar një terminal të ri mallrash. Gjatë vizitës së tij, Xi nuk e fshehu faktin se Kina tani ka një interes të madh për të përmirësuar më tej bashkëpunimin e saj dypalësh me Athinën në lidhje me portin.

“Ne duhet të përmirësojmë vazhdimisht bashkëpunimin tonë praktik në të gjitha fushat. Thellimi i kooperimit në fushat ekzistuese dhe zgjerimi i shkallës së investimeve, duke konsideruar gjithnjë punën në portin e Pireut si ‘kreun e dragoit”.

Shprehja e Xi është treguese e synimeve të Partisë Komuniste Kineze. Greqia, nga ana tjetër, i njeh kufijtë e një marrëdhënieje më të ngushtë të mundshme me Kinën, duke marrë parasysh luftën e vazhdueshme tregtare që Pekini aktualisht ka me SHBA dhe efektet kryesore të saj për BE-në. Athina po përpiqet të promovojë marrëdhëniet bilaterale në fushën ekonomike. Koha duket e mirë, pasi ka interes të konsiderueshëm nga bizneset greke për të hapur tregun e madh dhe potencialisht fitimprurës kinez.

Nga këndvështrimi i Kinës, shumë nga korporatat e tyre kryesore janë të interesuara të investojnë në Greqi, veçanërisht në sektorët e bujqësisë, turizmit dhe energjisë. Vizita e Xi me kaq shumë zyrtarë të Partisë Komuniste Kineze ishte një mundësi për të nënshkruar 16 marrëveshje bilaterale, disa prej të cilave janë me interes të rëndësishëm për qeverinë greke pasi që të gjitha janë pjesë e përpjekjes më të gjerë për të thelluar bashkëpunimin ekonomik Sino-Hellenic.

Dy banka kineze tani do të hapen në Athinë, përfshirë Bankën e Kinës, huadhënësi i katërt më i madh tregtar në botë. ICBC, banka e pestë më e madhe në botë, po hap gjithashtu një zyrë ndërlidhëse në kryeqytetin e Greqisë. Për më tepër, tregu i Kinës për disa produkte bujqësore Greke do të hapet gjithashtu si rezultat i nënshkrimit të një marrëveshje dypalëshe.

Të dy palët gjithashtu azhurnuan marrëveshjen e lidhjes ajrore midis dy vendeve me rrugë të drejtpërdrejta fluturimi duke u rritur nga 14 në 35. Mitsotakis njoftoi gjithashtu se Athina do të lidhej drejtpërdrejt me Shanghai duke filluar nga vera e ardhshme.

Megjithëse mund të duket se disa nga projektet e lartpërmendura nuk do të sjellin asnjë frutë, Mitsotakis, duket se është i sigurt se ripozicionimi i Greqisë në hartën e investimeve do të bëhet gradualisht, duke përfituar në të njëjtën kohë nga çdo investim i mundshëm në shkallë të gjerë. (neweurope)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.