Kush është Ministrja e re e Arsimit/ Karriera nga sallat e leksioneve në universitet te salla e Kuvendit
Evis Kushi është përzgjedhur nga kryeministri Edi Rama si ministrja e re e e Arsimit. Për të marrë detyrën zyrtarisht, kandidatura duhet të marrë miratimin me dekret presidencial.
Po kush është ministrja e re e Arsimit
Evis Kushi ka lindur me 7 tetor të vitit 1975 në Elbasan. Në vitin 2016, ajo ka marrë titullin akademik “Profesor” nga Universiteti Bujqësor i Tiranës. Në vitin 2010, ka marrë titullin akademik “Profesor i Asocuar,” Universiteti “Aleksandër Moisiu” Durrës dhe në vitet 2003‐2008 ka marrë gradën shkencore Doktor (PHD) në Ekonomiks Turizëm, ‘Staffordshire University’ Angli. Në periudhën 1993‐1997 është diplomuar në Administrim‐Biznes (Marketing), Fakulteti i Ekonomisë, Universiteti i Tiranës.
Eksperienca në Punë:
Nga viti 2013 është deputete e Kuvendit të Shqipërisë, anëtare e Komisionit për Ekonominë dhe Financat. Po ashtu, ajo ka vijuar të ushtrojë detyrën e pedagoges me kohë të pjesshme në Universitetin “A.Xhuvani” Elbasan dhe në Universitetin Mesdhetar të Shqipërisë.
Në vitet 2012‐2013 ajo ka qenë dekane në Fakultetin e Ekonomisë, Universiteti “A.Xhuvani” Elbasan ndërsa në vitet 2010‐2012 ka qenë Shefe Departamenti “Ekonomia dhe e Drejta”, Fakulteti i Ekonomisë, Universiteti “A.Xhuvani” Elbasan.
Në vitet 1998‐2012, Lektore në Universitetin “A.Xhuvani” Elbasan, Lëndët kryesore: Baza e marketingut, Ekonometri dhe Metoda Kërkimi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.