Kush janë gratë që ‘gërmojnë’ për ar në majën e botës?! (FOTOT)
Eva Chura është një nga gratë e malit, që jetojnë me familjet e tyre nëpër ‘kasolle’ në një qytezë të pasur me ar në Ande, duke mbijetuar pikërisht me kërkimin dhe zbulimin e arit nga rrënojat. Ato quhen “pallaqueras” që përkthehet përafërsisht si “mbledhëset e arit”.
Churas i duhet një orë për të arritur në vendin ku punojnë gratë. Pasi arrijnë atje ato gjithmonë ulen dhe përtypin gjethet e shkurreve Koka, ndezin dy cigare ‘për shenjtorët’ dhe pinë një anise të vogël për fat.
Burrat e La Rinconada i ndalojnë të gjitha gratë nga minierat për të gërmuara nën shkëmb. Sipas tyre fryma femërore e minierës, e cila ndodhet nën një akullnajë të quajtur La Bella Durmiente, ose Bukuroshja e Fjetur, do të ishte xheloze dhe e zemëruar nëse gratë do të përpiqeshin të vidhnin pasuritë e saj. Në vend të kësaj, gratë ngjisin majën e malit për të gërmuar në grumbujt e skorjes së zezë.
Çdo gjë që mund të ketë pak vlerë ose që mund të procesohet duke prodhuar diçka të vlefshme u shitet blerësve të tregut të zi.
“Në një javë ndonjëherë mund të marr 1 gram ose 2 gram ar,” thotë Chura. Çmimet e tregut të zi ndryshojnë, por në një treg normal ajo do të merrte me siguri një pagesë prej 50 ose 100 dollarësh në këmbim.
Sasitë që secila grua mbledh janë të vogla, por ekzistojnë mijëra prej tyre që kërkojnë, disa vlerësime thonë se ka më shumë se 15 mijë pallaqueras në Peru. Askush nuk mbledh mbeturina në La Rinconada. Gratë dhe burrat njëkohësisht rrezikojnë jetën e tyre dhe mbijetojnë në kushte të ajrit të akullt të malit në pasigurinë e përdithshme të gjetjes së arit. (Reuters)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.