Kush janë tre problemet më të mëdha të gjigandëve teknologjikë që u nxorën në pah nga pyetjet e Kongresit amerikan?
Gjatë pesë orëve të mërkurën, CEO-të nga katër kompanitë më të mëdha të teknologjisë në botë u pyetën nga Kongresi amerikan nëse ata përdorin përmasën e tyre të mëdha në treg, për të shtypur konkurrencën.
Mark Zuckerberg i Facebook, Sundar Pichai i Google, Tim Cook i Apple dhe Jeff Bezos i Amazon të gjithë u përballën me një inkuizicion nga anëtarët e nën-komitetit të kongresit, i cili ka hetuar fuqinë e Big Tech që nga viti 2019.
Seanca dëgjimore përfshiu një gamë të gjerë temash, me anëtarët e komisionit që nuk u morën vetëm me pyetjet tradicionale antitrust, por edhe me pyetje se si kompanitë përdorin të dhëna, trajtojnë fjalimin politik dhe nëse përfitojnë nga puna e detyruar e pakicave kineze.
Seancat dëgjimore nuk kanë rezultuar asgjë konkrete, dhe brenda disa javësh nënkomiteti do të botojë raportin e tij të plotë.
Analistët në Wedbush identifikuan se cilat janë tre çështjet më të mëdha që mund të përndjekin gjigandët e teknologjisë në vitet në vazhdim:
- Jeff Bezos pranoi se është e mundur që Amazon të ketë përdorur të dhënat e shitësve të palëve të treta për të përfituar nga produktet e saj.
- Tim Cook u vu gjykua ashpër për mënyrën si Apple kontrollon App Store-in dhe merr një komision prej 30% nga zhvilluesit e aplikacioneve.
- Mark Zuckerberg duhej të shpjegonte logjikën e tij pas blerjes në Instagram, dhe u akuzua se kishte kërcënuar se do ta shtypte atë nëse Facebook nuk do ta blinte.
Analistët nuk mendojnë se hetimi do të lërë shumë gjurmë në teknologji, nëse nuk ka një zhvendosje të madhe politike në SHBA. Edhe pse ligjvënësit republikanë dhe ata demokratë kanë sulmuar madhësinë dhe taktikën e ndërmarrjeve të mëdha të teknologjisë, ata e kanë bërë këtë nga këndvështrime të ndryshme. Demokratët përfshirë Elizabeth Warren kanë kritikuar përmasat e tregut të kompanive si Amazon dhe Facebook dhe kanë bërë thirrje për ndarje, ndërsa republikanët kanë pranuar akuzat që platforma si Facebook dhe Google përdorin ndikimin e tyre për të disavantazhuar politikanët konservatorë, një akuzë që kompanitë e mohojnë.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.