Kush nuk vetëkarantinohet, gjobë – Mjeku Tritan Kalo: Shenjat dhe masat për parandalimin e COVID 19
Krahas pezullimit të mësimit, fluturimeve, mbylljen e aktiviteteve dhe grumbullimeve masive, ministrja e Shëndetësisë ka firmosur edhe urdhrin për vetëkarantinimin për një periudhë 14-ditore në ambientet e banesave të tyre, për të gjithë ata persona që vijnë nga zonat e izoluara në Itali. Tashmë ky nuk është më një rekomandim, që iu jep udhëtarëve që vinin nga vendet e prekur, por një detyrim që nëse nuk zbatohet dënohet me ligj.
Referuar ligjit “Për parandalimin dhe luftimin e infeksioneve dhe sëmundjeve infektive”, shkelja e këtij detyrimi dënohet me gjobë nga 100 mijë lekë.
Ndërkaq, mjekët flasin për shenjat e infeksionit, për të cilat duhet të telefonohet drejt numrit unik 127, duke evituar prezencën nëpër spitale apo qendra shëndetësore.
Po ashtu, mjeku i Shërbimit Infektiv në QSUT, bën me dije të gjitha masat që mund të ndërmarrë gjithsecili prej nesh për të parandaluar infektimin.
Paralelisht, një urdhër tjetër i ministers së Shëndetësisë ndalon hyrjen e e shoqëruesve apo familjarëve të pacientëve në ambientet e shërbimeve të urgjencës mjekësore në institucionet shëndetësore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.