Kushtet e Gjermanisë për negociatat – Basha: Shtimi nga 5 në 9, dështim i Ramës 

Kreu i Partisë Demokratike, Lulzim Basha e ka konsideruar si dështim të kryeministrit Edi Rama shtimin e kushteve të vendosur nga Gjermania për hapjen e  negociatave për anëtarësim në Bashkimin Europian.

Kreu i opozitës komentoi dhe reagimin e Ramës, pas rezolutës së deputetëve të CDU/CSU, duke ironizuar se negociatat po hapen për herë të 4-t.

Grupimet politike që qeverisin Gjermaninë CDU-CSU, vendosën që negociatat për Shqipërinë të hapen vetëm pasi të plotësohen 9 kushte, të cilat lidhen me krizën politike, reformën në drejtësi dhe zgjedhjet e lira. Në një rezolutë të miratuar për Shqipërinë, dy grupimet politike gjermane theksojnë se pa zgjidhur krizën politike është e vështirë për Shqipërinë të nisë negociatat me BE. Gjithashtu në rezolutë kërkohet ngritja e shpejtë e Gjykatës Kushtetuese për të dhënë një vendim mbi ligjshmërinë e 30 qershorit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.