Kushtet e punës në Shqipëri, të vështira – Arqimandriti: Orare të zgjatura të papaguara dhe mungesë sigurie

Punonjësit në vendin tonë,  kryesisht ata nëpër fasoneri,  përballen me  kushte mjaft të vështira në punë jo vetëm me orare të zgjatura dhe të papaguara por edhe  pasiguri që shpesh kanë çuar edhe në aksidente. Në seancën dëgjimore të zhvilluar pranë nënkomisionit  për Barazinë Gjinore dhe Parandalimin e Dhunës ndaj Gruas kryetarja e  organizatës Aleanca Gjinore Për Zhvillim, Mirela Arqimandriti,  renditi disa prej problematikave të  evidentuara gjatë  vitit 2018,  duke kërkuar strukturave përgjegjëse  të reagojnë.

Ndërsa për krerët  e inspektoriateve shtetërore të punës  dhe atë  shëndetësor ka shumë mungesa  në kapacitete për mbulimin me inspektime  të të gjithë subjekteve ndërkohë që aktualisht  inspektohen vetëm 5%

Gjatë vitit 2018 janë  bërë 500 inspektime nga Inpektoriati  Shtetëror I Punës  dhe janë raportuar 93 ankesa   pjesa më e madhe nga punonjës të fasonerisë  kryesisht për cënim te marrëdhënieve të punës, mosdhënie të  pages  dhe mosderdhjen e sigurimeve shoqërore nga punëdhënësi.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.