“Kushtetuesja të ngrihet brenda vitit” – Ambasadorja Yuri Kim nxit institucionet të punojnë me urgjencë

Ambasadorja e Shteteve të Bashkuara të Amerikës në Tiranë, Yuri Kim, ka rikthyer edhe një herë në vëmendje ngritjen e Gjykatës Kushtetuese në Shqipëri, duke theksuar se ky institucion duhet të ngrihet deri në fund të këtij viti. Përmes një mesazhi në ‘Facebook’, ambasadorja thekson se institucionet e drejtësisë, Parlamenti dhe Presidenca, duhet të punojnë me urgjencë.

“Do të ishte mirë të shihnim progres drejt funksionimit të Gjykatës së Lartë deri në fund të këtij viti. 6 javë të mbetura – Presidenca, Parlamenti dhe institucionet e drejtësisë duhet të vazhdojnë të punojnë me urgjencë. Faleminderit Këshillit të Emërimeve në Drejtësi për sigurimin e kandidatëve të kualifikuar. Udhëheqësit duhet të përmbushin premtimin për qytetarët shqiptarë për drejtësi!”, shkruan në mesazhin e saj Yuri Kim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.