Kuvendi mban në fuqi kodin zgjedhor, Rama: “Zgjedhjet në Prill, nuk mund të presim vendimin e Venecias”

Me 96 vota kundër dekretit të Presidentit Ilir Meta, kuvendi ka mbajtur fuqi ndryshimet e kodit zgjedhor të 5 tetorit, duke mos lejuar koalicionet parazgjedhore të partive që do të garojnë. Duke folur para deputetëve kryeministri Edi Rama, tha se kërkesa e opozitës dhe presidentit ishte absurde, pasi ata në media thonë se do të marrin 100 mandate. Sipas tij kodi nuk mund të shtyhej deri në opinionin e komisionit të Venezias, pasi zgjedhjet janë shumë afër.

“Pse vjen këtu për refuzimin. Refuzimi për ligjin zgjedhor për zgjedhje që bëhen në pril ltë vitit të ardhshëm dhe jo pas 3 viteve. Natyrisht që nëse do t’i besonim Monikës me ligjin që ne sot rikonfirmojmë LSI merr 100 mandate, ndërsa po të mos e rikonfirmojmë këtë ligj merr 80, kuptohet bashkë me Lulin. Ky është një problem më vete, pasi ligji që ne kalojmë e bën më të qartë për njerëzit se ku të votojnë, për kë të votojnë dhe se ku përfundon vota e tyre. Mirëpo deri më sot, vota ka qenë, voto Lulin dhe ka qenë njësoj si çokollatat Kinder, e rrotullon dhe më pas të del Meta brenda së bashku me Monikën.” – u shpreh Rama.

I menjëhershëm reagimi i Presidentit Ilir Meta, duke thënë se nuk pati asnjë çudi nga Kuvendi i mbetjeve dhe inceneratorëve.

Arbër Hitaj / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.