Kuvendi rinis punën, Ruçi: Të ndalim luftën për pushtet, prioritet integrimi në BE
Kuvendi ka zhvilluar pasditen së hënës seancën e parë pas pushimeve verore. Në seancë mungoi opozita, ndërkohë që në fjalën e hapjes, Kreu i Kuvendit.
Gramoz Ruçi theksoi domosdoshmërinë e bashkëpunimit të politikës në qëllimin e përbashkët për integrimin e Shqipërisë në Bashkimin Evropian.
Ruçi theksoi se prioritet i punës së Kuvendit do të jetë vazhdimi i reformave, veçanërisht i asaj në drejtësi. Ai nënvizoi se reforma do të vijojë me çdo çmim deri në spastrimin e sistemit të drejtësisë nga korrupsioni.
Mungesa e opozitës në seancë për shkak të ngjarjeve të rënda kriminale në Shkodër është komentuar nga Kreu i Grupit Parlamentar të PS, Taulant Balla dhe nga Ministri i Brendshëm Fatmir Xhafaj.
Të dy ju referuan statistikave të krimit, që, sipas tyre, ishin shumë të larta në kohën e qeverisjes së Partisë Demokratike.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.