Kuvendi rinis punimet javën e ardhshme – Ja axhenda e ditës së hënë
Sesioni i tretë i punimeve të Kuvendit do të nisë javën e ardhshme më 3 Shtator. Kryetari i Parlamentit, Gramoz Ruçi, ka nxjerrë urdhrin ditën e mërkurë, i cili përcakton edhe rendin e ditës të seancës plenare.
Pas hapjes zyrtare të punimeve, do të bëhet njoftimi i akteve normative të depozituara në Kuvend, si dhe do të kryhet miratimi i procesverbalit të seancës së fundit të 23 Korrikut.
Më pas deputetët do të votojnë për programin 6-javor të punës së Kuvendit, i cili prek periudhën 3 Shtator-12 Tetor 2018. Gjithashtu do të miratohet edhe kalendari tre-javor i punimeve të Kuvendit deri më 21 Shtator.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.