Ky aeroport i ri me një investim prej 12 miliardë dollarësh do të jetë më i madhi në botë –hidhini një sy brenda

Tre ditë më parë, Aeroporti i Stambollit Atakturk –i cili u konsiderua si një nga aeroportet më të ngarkuar në botë të cilin e vizitojnë rreth 70 milionë pasagjerë në vit, përfundoi zyrtarisht punën. Të gjitha fluturimet komerciale u transferuan në aeroportin e ri ndërkombëtar të Turqisë, që do të thotë se Aeroporti i Ri i Stambollit është i hapur për biznes.

Fluturimi i parë në aeroportin e ri të Stambollit u zhvillua në tetor 2018, dhe tani po përfundon faza e parë e ndërtimit të aeroportit, që përfshin tre pista dhe 15 milion metra katrorë të hapësirës përfundimtare. Janë katër faza që duhet të përfundojnë deri në vitin 2025, me një kosto totale prej rreth 12 miliardë dollarësh.

Aeroporti i ri mbulon 76 milion metra katrorë (më shumë se 818 milionë metra katrorë ose 18,780 hektarë) dhe aktualisht mund të përballojë 90 milion pasagjerë në vit në fazën e parë. Kur të përfundojë i gjithë aeroporti, do të jetë në gjendje të zeje aktualisht rreth 200 milionë pasagjerë në vit.

Kjo do ta bëjë atë aeroportin më të madh në botë nga trafiku i pasagjerëve. Në krahasim, Aeroporti Ndërkombëtar i Hartsfield-Jackson në Atlanta, aktualisht aeroporti më i ngarkuar në botë, zë rreth 107 milionë pasagjerë në vit.

Kulla e kontrollit të trafikut ajror në aeroportin e ri të Stambollit, që ndodhet 22 milje nga Stambolli, është formuar si një tulipan, një lule popullore dhe simbolike në kulturën turke. Rritja masive e Turkish Airlines është një nga arsyet kryesore për Aeroportin e Ri të Stambollit.

Aeroporti Ndërkombëtar i Pekinit Daxing, i planifikuar për tu hapur në shtator, gjithashtu kushton 12 miliardë dollarë. Është duke u ndërtuar për të marrë një pjesë të ngarkesës nga Aeroporti Ndërkombëtar i Pekinit, aktualisht aeroporti i dytë më i ngarkuar në botë me 95 milionë pasagjerë.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.