Laboratorët “abuzivë” në Itali – 145 mijë euro gjobë për mosraportim të pacientëve pozitivë
Tamponë pa autorizim. Madje, nuk vinin në dijeni autoritetet kompetente as për pacientët pozitivë.
Karabinierët e NAS, në Itali kanë kontrolluar 285 kompani dhe laboratorë analizash, private ose jo, në të cilat kanë gjetur 94 shkelje penale dhe administrative për të cilat janë akuzuar 67 qendra dhe janë vendosur gjoba, të cilat në total, arrijnë vlerën 145 mijë euro.
Sipas kontrollit të forcave speciale Italiane, me në krye komandantin e ri Paolo Carra, testet serologjike, të përdorshme vetëm nga profesionistët, i janë shitur drejtëpërdrejtë qytetarëve. Po ashtu, testet janë kryer në mjedise pa mbrojtje të mjaftueshme, ndonjëherë duke përdorur teknika të paautorizuara apo produkte të skaduara.
Po ashtu, materialet që do të duhej të mbaheshin në frigorifer, mbaheshin në temperaturë dhome. Çmimet që paguheshin nga qytetarët, sipas raportit, në disa raste ishin më të larta se norma rajonale për të cilën është rënë dakord.
Burimi origjinal: La Repubblica
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.