Laburistët pro tregut të BE – Kërkojnë anëtarësi gjatë Brexit, vështirësojnë planin e May
Partia laburistë në Mbretërinë e Bashkuar kërkon që vendi të qëndrojnë në tregun e Bashkimit Europian për një periudhë të zgjatur pasi të dalë nga blloku, duke ndërruar qasje, gjë që vështirëson punën e Kryeministres Theresa May për të vazhduar me planin e saj për Brexit.
Propozimi, që nuk do të fuqizojë kontrollet për emigrantët përtej Marsit 2019, do të sjellë më shumë kohë për të finalizuar detajet e daljes së Britanisë dhe do lehtësojë përgatitjen e bizneseve dhe Qeverisë.
Komentet vijnë nga zëdhënësi për Brexit i partisë laburiste, Keir Starmer, i cili shton se kjo do të eliminojë nevojën e një periudhe tranzicioni.
“Nuk do të jetë nevoja për të caktuar marrëdhënie tregtare komplekse. Kuptohet gjerësisht se marrëveshjet tranzitore nuk ka gjasa që të arrihen në 18 muajt e ardhshëm”, tha ai.
Ndryshimi i qëndrimit nga partia laburiste vjen ndërkohë që Britania përgatitet për raundin tjetër të negociatave në Bruksel.
Komisioni Europian ka paralajmëruar se Britania duhet të zgjidhë çështjen e të drejtave të qytetarëve të BE, faturës së divorcit dhe mbi kufirin e Irlandës së Veriut, përpara se të vazhdojnë bisedimet.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.