Lagarde përpara takimit FMN-BB: “Tregtia dhe efektet negative të tarifave do të jenë në axhendë”

Kreu i Fondit Monetar Ndërkombëtar,  Christine Lagarde,  tha se lufta tregtare dhe prezantimi i tarifave do të kenë efekte negative në të gjithë botën.

Lagarde komentoi për lëvizjet proteksioniste të SHBA dhe tensionet tregtare mes Kinës dhe Washingtonit,  përpara takimit vjetor të Fondit dhe Bankës Botërore në Bali, Indonezi.

Ajo shtoi se ekzistojnë shumë çështje që do të debatohen në takimin vjetor. “Tregtia ndërkombëtare dhe përfitimet e kësaj do të jenë në axhendë. Përveç kësaj do të bisedohet për rolin e teknologjive të reja, veçanërisht në industrinë financiare, borxhi i madh në vendet me të ardhura të ulëta dhe objektivat tipike të stabilitetit ekonomik”,  tha Lagardë.

Pavarësisht kundërshtimit në të gjithë botën,  Shtetet e Bashkuara vendosën tarifa në 200 miliardë dollarë mallra kinezë në 24 Shtator.

Kina u kundërpërgjigj menjëherë duke shënjestruar 60 miliardë  dollarë mallra nga Shtetet e Bashkuara.

Duke komentuar për lëvizjet nga Amerika, Lagarde tha se tarifat tregtare do të kenë efekte negative ndaj rritjes ekonomike.

“Duhet të sigurohemi që ekziston konkurrenca e drejtë mes vendeve. Do të bisedohet për tregtinë ndërkombëtare, hapjen e tregut dhe përfitimet e këtyre”, tha Lagarde.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.