Lajmi i mirë nga Leyen: Në Evropë vaksinat marrin ‘dritën jeshile’ brenda dhjetorit!

Bashkimi Evropian mund t’i japë dritën jeshile vaksinave COVID-19 që po zhvillohen nga Moderna dhe Pfizer / BioNTech në dhjetor.

Presidentja e Komisionit Evropian Ursula von der Leyen tha se vaksinat mund të aprovohen para fundit të vitit, gjë që do t’i lejojë ato të shpërndahen në Evropë.

Agjencia Evropiane e Barnave (EMA) është “në diskutime të përditshme” me FDA, homologun e saj amerikan, për të “sinkronizuar vlerësimet ndaj vaksinave” kundër COVID-19, tha ajo në një konferencë shtypi.

“Nëse të gjitha procedurat shkojnë normalisht, EMA mund t’i japë vaksinave Pfizer / BioNTech dhe Moderna autorizimin e tyre në gjysmën e dytë të dhjetorit,” tha von der Leyen.

Komisioni Evropian deri më tani ka nënshkruar pesë kontrata për të porositur paraprakisht vaksinat e mundshme: me kompaninë suedeze-britanike AstraZenaca, kompaninë amerikane Johnson & Johnson, dyshen franko-britanike Sanofi-GSK, dyshen amerikano-gjermane Pfizer / BioNTech dhe CureVac të Gjermanisë.

Më herët të enjten, Ugur Sahin, drejtori i BioNTech, i tha agjencisë së lajmeve AFP se ishte e mundur që vaksina të mund të merrte autorizim dhe të shpërndahej në SHBA dhe BE përpara vitit 2021.

D.B – SCAN
Burimi: Euronews

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.