Lajme pozitive/”Mes 33 personave të shëruar nga Covid-19 ndodhen dhe 6 mjekë dhe infermierë”

Gjashtë prej 33 personave të shëruar nga lufta ndaj koronavirusit, janë mjekë dhe infermierë. Pas mjekut në spitalin e Durrësit dhe infermierit në spitalin “Shefqet Ndroqi”, edhe katër mjekë dhe infermierë të spitalit “Shefqet Ndroqi” rezultojnë të shëruar.

Janë konfirmuar negativë në të dy testimet deri tani 3 mjekë dhe 3 infermierë. Por stafi do të vijojë të jetë i vetëkarantinuar edhe për një periudhë 14-ditore.

Mbrojtja e personelit mjekësor është përparësi duke testuar vazhdimisht çdo rast të dyshuar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.