Lajme pozitive për Britaninë – Fabrikat në rimëkëmbje, për të parën herë në 6 muaj
Të dhënat më të fundit që vijnë nga Britania e Madhe flasin për një rimëkëmbje të lehtë të aktivitetit të fabrikave në vend, por për një dobësi që vijon të jetë ende problematike.
Për të parën herë në 6 muajt e fundit, sektori është regjistruar në rritje.
Indeksi PMI i Markit, që është një ndër indikatorët më real sinjalizon kështu se, ekonomia britanike nuk e ka marrë veten mjaftueshëm nga ngadalësimi i fillim-vitit, paçka se, manifaktura zë vetëm 10% të prodhimit total të ekonomisë.
Banka e Anglisë ndërkohë është vënë nën gatishmëri pasi i druhet rritjes së mëtejshme të normave të interesit në një kohë që ekonomia është në prag stanjacioni.
Indeksi PMI i Markit u rrit kështu në 54.4 pikë, bindshëm mbi pritshmëritë e tregjeve dhe analistëve. Niveli i 50 pikëve ndan rritjen nga kontraktimi.
Ekspertët shprehen se, ky lexim është një lajm mjaft i mirë për ekonominë britanike, pas disa të dhënave me radhë që sinjalizonin ngadalësim të mëtejshëm të ekonomisë që po bëhet gati të dalë zyrtarisht nga unioni.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.