Fondi Monetar Ndërkombëtar miratoi rregulla të reja të mbi monitorimin e përvitshëm të ekonomisë. Tashmë sipas këtyre rregullave, Fondi Monetar Ndërkombëtar ka për detyrë të vlerësojë nëse politikat e brendshme të një shteti japi efekte negative në qëndrueshmërinë financiare të ekonominë globale. Deri më tani këto vlerësime kanë qenë mbi baza vullnetare dhe jo të detyrueshme. Por kriza globale financiare e viteve 2007-2009 treguan se sa lehtë politikat ekonomike dhe financiare të një vendi mund të dalin jashtë kufijve kombëtarë dhe të kërcënojnë stabilitetin e financave globale.

"Ndërkohë që vëzhgimi i politikave të normave të këmbimit të vendeve anëtare qëndron në themel të detyrës monitoruese të fondit, rregullat e reja ofrojnë një bazë ;ligjore që fondi të je3të më efektiv në lidhje me politikat ekonomike dhe financiare të vendeve anëtare," tha Christine Lagarde. Ajo tha se këto rregulla janë një hap i rëndësishëm për një fillim të ri të mënyrës se si fondi kryen monitorimin dhe vlerësimin e ekonomive të vendeve anëtare të ekonomisë globale dhe të zhvillimeve financiare. Këto rregulla të reja që përfshihen në të ashtuquajturin Artikulli 4, do të jenë pjesë e konsultimeve që bëhen çdo vit mes fondit dhe qeverive të 188 vendeve anëtare.

Zyrtarët e fondit thanë se këto rregulla të reja kanë marrë mbështetjen e shumicës së anëtarëve. Në vitin 2009 Dominique Strauss-Kahn rrishikoi rregullat e fondit për monitorimin e politikave monetare të lajmëruara në vitin 2007 pas refuzimit të kinës për të bashkëpunuar. Pekini cilësoi rregullat si një pjesëmarrje të fondit në komplotin global të rritjes së vlerës së juanit. Zyrtarët e fondit thanë se rregullat e reja ofrojnë mundësi për monitorim më të ndershëm dhe më të barabartë të politikave për normat e shkëmbimit monetar, politikat fiskale dhe të rrjedhës së kapitalit. Një përmbledhje e këtyre rregullave pritet të publikohet në ditët në vijim.

Përgatiti: Ermal Ngjelina

Postoje këtë artikull në: