|
|
| Produktet bujqësore, rritje çmimesh nga viti në vit |
|
Sipas shifrave të INSTAT, domatja qershorin e kaluar është tregtuar me çmim mesatar 66.3 lekë për kilogram ndërsa në muajin qershor të këtij viti është shitur me 92.4 lekë, një rritje prej më shumë se 30 lekësh. Trangujt janë shitur në 2011 me 43.8 lekë për kilogram ndërsa këtë vit janë rritur në 55.4 lekë. Kjo rritje e çmimeve ka të bëjë edhe me rritjen e eksportit të produkteve bujqësore shqiptare me vendet e rajonit, kryesisht me Kosovën. Rritje kanë shënuar gjithashtu limoni, fasulja dhe ullinjtë. Por ka pasur edhe produkte të cilat kanë ardhur në rënie, për shkak se prodhimi i tyre ka qenë me i lartë dhe kërkesa më e ulët. Kështu në grupin e produkteve që kanë shënuar ulje çmimesh, radhitet speci, nga 94 lekë për kg vitin e kaluar, qershorin e sivjetshëm është tregtuar me 77.3 lekë për kg, qepa e thatë, nga 74.6 lekë për kg në 50. 7 lekë për kg. Gjithashtu, rënie çmimesh kanë pasur edhe mollët, portokallet dhe patatet. Përgatiti: Elisabeta Dosku Postoje këtë artikull në:
|
Produktet kryesore bujqësore gjatë muajit qershor 2012 janë tregtuar më shtrenjtë se qershorin e një viti më parë. Sipas shifrave zyrtare të Institutit të Statistikave, disa produkte të prodhimit vendas si domatja, kastraveci u kanë kushtuar më shtrenjtë qytetarëve këtë vit se vitin e kaluar.