Lancet, mbi origjinën e virusit / “SARS-CoV-2 me shumë gjasa vjen nga natyra dhe jo laboratori”
Një nga revistat kryesore në botë mbi mjekësinë e përgjithshme, “The Lancet”, ka publikuar këtë javë një artikull të shkruar nga dhjetëra shkencëtarë, që mendojnë se Sars-CoV-2 me shumë gjasa e ka origjinën në natyrë dhe jo në laborator. Në shkrimin, e titulluar “Shkenca, dhe jo spekulimi, është thelbësore në përcaktimin e mënyrës se si virusi arriti tek njerëzit” , shkencëtarët bënë të ditur se e dhëna më e fortë nga një provë e re e besueshme dhe e rishikuar nga analistë, tregon se virusi është zhvilluar në natyrë. Sugjerimet mbi daljen aksidentale nga një laborator qëndrojnë pa prova të vërtetuara shkencërisht, sipas tyre. Artikulli thekson gjithashtu se në lidhje me studimin, pretendimet dhe hamëndësimet nuk kanë luajtur rol, pasi nuk lehtësojnë aksesin te informacioni dhe vlerësime objektive të një shtegu nga një virus i lakuriqit të natës tek një patogjen njerëzor. Artikulli bën thirrje për hetime rigoroze shkencore dhe inkurajon OBSH dhe partnerë të tjerë shkencorë në botë, që të vazhdojnë hetimin fillestarë me ekspertët në Kinë.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.