Lancet shkruan për koronavirusin – Kritikon ashpër teoritë konspirative mbi origjinën e COVID-19

Një nga revistat e pavarura më të mëdha në botë  mbi mjekësinë e përgjithshme, “The Lancet”,  publikoi një deklaratë të shkruajtur nga shkencëtarët e shëndetit publik, që mbështeste mjekët profesionist në Kinë që po luftojnë koronavirusin.

Në një deklaratë, shkencëtarët e shëndetit publik bënë të ditur se janë kundër thashethemeve mbi origjinën e koronavirusit.

Ata kritikuan ashpër teoritë konspirative që tregojnë se koronavirusi i ri COVID-19 nuk ka një origjinë natyrore dhe se është krijuar në laborator.

Lancet shkruan gjithashtu se shkencëtarët kanë mbajtur anën e mjekëve kinezë dhe mbështesin luftën e tyre kundër virusit.

Numri i vdekjeve nga koronavirusi ka kaluar 2,000 dhe Hong Kongu regjistroi vdekjen e dytë. Numri i personave të infektuar në të gjithë botën ka kaluar 75,000.

Organizata Botërore e Shëndetësisë deklaroi se masat e Kinës për të vendosur shumë qytete në karantinë, i kanë dhënë kohë të gjithë botës që të përgatitet për virusin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.