Largimi i gjyqtarëve të korruptuar dhe arrestimi i politikanëve/ Ambasadorja Kim: Ky është vetëm fillimi!
Gjatë një aktiviteti të organizuar kundër pastrimit të parave dhe krimit kibernetik, Ambasadorja e SHBA në Shqipëri Yuri Kim është shprehur se largimi i gjyqtarëve dhe prokurorëve dhe pastrimi i politikës nga elementët e korruptuar është vetëm fillimi.
Ajo vuri në dukje trafikimin e heroinës si dhe trafikimin e qenieve njerëzore që sipas saj është një fenomen që ka shënuar rritje.
“Krimi i organizuar, korrupsioni dhe ekstremizmi minojnë demokracinë, gërryejnë tregjet dhe kërcënojnë shtetin ligjor. Shqipëria ka arritur suksese në vitin 2021, nga largimi i gjyqtarëve e prokurorëve te arrestimi i politikanëve. Ky është fillimi”, u shpreh ajo.
“Le ta përmirësojmë sistemin dhe le të punojmë së bashku për të hedhur themelet në mënyrë që besimi i publikut të rritet. Madje ka një vrull në anën tonë dhe ne duhet të përfitojmë nga kjo duke forcuar bashkëpunimin tonë si donatorë dhe si miq e partnerë”, përfundoi ambasadorja Yuri Kim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.