Lehtësi proceduriale për kompanitë italiane që ndodhen në Shqipëri. Protokoll mes drejtorisë së Doganave dhe Shoqatës së Industrialistëve Italianë

Shoqëritë italiane të pranishme në Shqipëri do të përfitojnë procedura të lehtësuara doganore. Të martën është parashikuar të nënshkruhet Protokolli i Bashkëpunimit mes Drejtorisë së Përgjithshme të Doganave dhe Shoqatës së Industrialistëve Italianë në Shqipëri (Confindustria Albania).

Ky protokoll ka për qëllim lehtësimin e procedurave për shoqëritë italiane të pranishme në Shqipëri në kuadër të përmirësimit të dialogut Biznes – Doganë, si dhe organizimin e aktiviteteve të përbashkëta formuese, seanca informuese për operatorët e biznesit, seminare periodike mbi risitë në legjislacion, procedura, akcizë etj.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.