Lehtësimi i masave nga 11 maji, Manastirliu: “Hapet transporti ndërqytetas midis zonave të gjelbërta. Zgjerohet fasha orare”
Ministrja e Shëndetësisë Ogerta Manastirliu ka shpjeguar për të gjithë qytetarët planin për lehtësimin e masave deri në1 qershor.
Qeveria në javët në vazhdim do të ndërmarrë hapa lehtësuese për çdo javë, me qëllim normalizimin e situatës.
Nga data 11 maj siç ishte paralajmëruar nga kryeministri edhe më herët do të kthehen në zona të gjelbërta. bashkitë: Lushnje, Patos, Roskovec, Korcë, Has, Kukes, Lezhë, Mirditë, Fushë-Arrez, Malësi e Madhe, Pukë, Vau Dejes, Kavajë dhe Vorë me të njëjtat rregulla.
Në këto zona lejohet qarkullimi ndërqytetas brenda zonave të gjelbërta me automjet privat (duke lejuar udhëtimin e më shumë se dy personave të së njejtës familje) deri në orën 21:00.
Ndërkohë që do të mbeten në fuqi rregullat që ndalojnë grumbullimin e më shumë se pesë personave, aktivitetet kulturore dhe sportive të çdo lloji dhe transporti publik si dhe njësitë ekonomike ende të mbyllura.
Po kështu, nga data 11 Maj lejohen të ushtrojnë veprimtari sipas protokolleve strikte të sigurisë, me të cilat bizneset janë njohur përgjatë kësaj kohe, aktivitetet si më poshtë, klinikat dentare, parukeri, berber dhe dyqanet në qendrat tregtare.
Njëtjetër masë që paraqiti ministrja Manastirliu është edhe ajo se duke filluar nga data 11 Maj të gjithë të riatdhesuarit do të vetëkarantinohen në banesë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.