Lehtësitë fiskale për agroturizmin, Kushi: Reduktim i TVSH në 6% edhe për pijet. Haxhi: Lëvizje e komplikuar
Paketa lehtësuese e cila parashikon aplikimin e TVSH-së 6% për shërbimin e akomodimit dhe restorantit në strukturat pritëse të certifikuara si agroturizëm duhet të përfshijë edhe pijet e prodhuara prej tyre, qofshin këto alkoolike apo jo alkoolike”.
Propozimi është bërë gjatë diskutimit në komisionin Parlamentar të Ekonomisë dhe Financave të projektligjit, nga deputetja e Partisë Socialiste, Evis Kushi e cila shtoi se kjo masë lehtësuese duhet të përfshijë vetëm pijet që konsumohen brenda këtyre strukturave.
I pyetur nga TV SCAN për këtë propozim, zëvendësministri i Ekonomisë dhe Financave, Elton Haxhi tha se ai do të merret në shqyrtim nga dikasteri që përfaqëson, ndonëse shtoi se kjo lëvizje është e komplikuar.
Përveç reduktimit të TVSH-së nga 20 në 6%, paketa lehtësuese për agroturizimin parashikon uljen e tatim-fitimit nga 15% në 5% si dhe përjashtimin nga taksa e infrastrukturës për ndërtimet e reja.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.