Lehtësohen masat/ S’ka më autorizime! Lëvizja zgjatet deri në orën 21:00
Nga dita e hënë, fasha orare e lëvizjes në zonat e kuqe është zgjatur deri në orën 21:00!
Vendimi u bë i ditur nga kryeministri Edi Rama ndërsa njoftoi se duke nisur nga kjo e hënë do të hiqen edhe autorizimet për lëvizjen e këmbësorëve dhe automjeteve gjatë javës.
Ndërkohë, fundjava tjetër do të jetë sërish e kufizuar për lëizjen e mjeteve.
Vendimet
-Fieri kthehet në zonë e gjelbër
-Hiqet krejtësisht fasha orare e lëvizjes në zonat e gjelbërta
-Fasha orare e lëvizjes në zonat e kuqe zgjatet deri në orën 21.00
-Hiqen në të gjithë vendin autorizimet për lëvizjen e këmbësorëve apo automjeteve gjatë javës – fundjava do të jetë përsëri pa makina
-Vazhdon të jetë e ndaluar hyrje – dalja e automjeteve në zonat e kuqe
-Qeveria do të ndryshojë nesër aktin normativ për heqjen e ndalesës së studiove tv për të ftuar jo më shumë se një person. do të mbetet vetëm kushti që të ftuarit të vendosen në distancë 2m nga njëri – tjetri.
“Miq, me heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu! Ju lutem bëni më të mirën tuaj si deri tani dhe kujdes në mënyrën më të veçantë më të moshuarit e të sëmurët në familjet tuaja, të cilët duhet të vetëkufizojnë daljet maksimalisht” shkruan kryeministri.
Ndërkohë, ai kujton se masa 14 ditore për të vetëkarantinuarit nuk ndryshon dhe shkelja e saj ndëshkohet nga ligji dhe Kodi Penal.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.