Leje ndërtimi me kusht! – Veliaj: Një pjesë e tokës, do t’i falet bashkisë
Lejet e ndërtimit në kryeqytet do të behën me kusht, në mënyrë që një pjesë e tokës, t’i falet bashkisë së Tiranës.
Kryebashkiaku Erion Veliaj gjatë një takimi me administratorët e pallateve, ka lançuar këtë iniciativë, sipas të cilit do të kursente para nga shpronësimet.
Kreu Bashkisë, bëri me dije edhe disa nga projektet që janë menduar të zbatohen në 4 vitet e ardhshme, si katërfishimi i fondit të komuniteteve, fuqizimi i kredive të buta si dhe detyrimi i kompanive të mëdha për të hapur një çerdhe apo kopsht.
Veliaj foli edhe për zgjedhjet lokale, ku e cilësoi 30 Qershorin është festë e demokracisë, ndërsa theksoi se administratorët do të kenë si detyrë që të sqarojnë çdo qytetar se ku e ka qendrën e votimit.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.