Lejon vajzën ‘të pozojë’ në kabinën e avionit – I ndalohet pilotimi për “gjithë jetën” për shkelje të sigurisë

Një pilot kinez është dënuar pasi një foto e një gruaje të ulur në kabinën e aeroplanit u shfaq në mediat sociale, duke shkaktuar zemërim për shkelje të rregullave të sigurisë.

Në foton e postuar në rrjetet sociale vajza ishte shfaqur me rroba civile dhe kishte shkruar: “Jam shumë mirënjohëse për pilotin! Jam vërtet e emocionuar.”

Fotoja është vënë re nga blogerët të cilët pas hulumtimeve kanë gjetur edhe linjën e udhëtimit e cila i përkiste Air Guilin dhe kanë kritikuar kompaninë ajrore për mosrespektimin të sigurisë së fluturimit.

Në një deklaratë, linja ajrore tha se kishte pezulluar pilotin pa emër nga detyra e fluturimit “për gjithë jetën” për shkeljen e rregullave të aviacionit civil, ndërsa anëtarët e tjerë të ekuipazhit të fluturimit janë në hetimit të mëtejshëm.

Linja ajrore tha se gjithmonë e kishte vendosur sigurinë e pasagjerëve si përparësinë e saj kryesore dhe përsëriti se kishte një politikë “tolerance zero ndaj çdo veprimi joprofesional dhe të pahijshëm që mund të rrezikojë sigurinë”.

“Ne do të përmirësojmë udhëzimet tona rigoroze të sigurisë, për të shmangur incidentet, dhe si ky rasti të mos ndodhin përsëri”, thuhet në deklaratë.

Kjo nuk është hera e parë që pilotët kanë shkelur rregullat e sigurisë së ajrit në Kinë duke i ftuar mysafirët në mesin e kabinës së fluturimit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.