Lëngu i limonit – Tonik special për organizmin

Të gjithë e kanë dëgjuar thënien e famshme, kur jeta ju jep limona, ju bëni limonatë. Sido të tingëllojë, e vërteta është se kur ke limon në shtëpi, ideja më e mirë është të bëni limonatë, sidomos me recetën e sugjeruar nga AgroWeb.

Merrni një enë qelqi dhe hidhni në të lëkurën e një limoni të plotë të larë mirë. Më pas, agrumet shtrydhini deri sa të mbushni një gotë e gjysmë me lëng. Hidheni lëngun në enën e caktuar për limonatën.

Në një tenxhere të vogël hidhni sheqerin dhe ujin. Lëreni të ziejë deri sa të shkrihet plotësisht. Shurupin e formuar shtojeni në enën e limonatës dhe lëreni të ftohen dhe të kombinohen së bashku. Në këtë pikë, keni përfituar një koncentrat të mirëfilltë.

Më pas, ju nevojitet një gotë me këtë koncentrat, 3 gota me ujë të ftohtë, pak akull dhe kohë e lirë për të shijuar frutin e punës suaj. Koncentratin mund ta hidhni edhe në një kavanoz të personalizuar dhe ta bëni dhuratë.

Koncentrati i limonatës i bërë në shtëpi

Një gotë e gjysmë me sheqer, këshillohet sheqer kaf

Një gotë e gjysmë me ujë Lëkura e grirë e një limoni të plotë

Një gotë e gjysmë me lëng limoni të freskët

 Çaj me limon dhe xhenxhefil

Ky çaj pak pikant është i mbushur me vitaminë C dhe përbërës që luftojnë bakteret dhe inflamacionin.

Në një enë me 250 ml ujë zjeni pak xhenxhefil të prerë në feta (reth 2-3 cm xhenxhefil) Lëngut të përftuar shtojini një lugë lëng limoni.

Çaji është tepër i mirë për të luftuar të ftohtin dhe virozat. Nëse preferoni, shtoni pak mjaltë, një produkt ideal për të luftuar mikrobet.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.