“Lëviz” tregu i fluturimeve – Italia shkon në 60%, fluksi I pasagjerëve u rrit me 20%
Kompanitë ajrore që operojnë drejt Italisë zotërojnë 60% të tregut të transportit ajror, për muajin tetor, duke shënuar një rritje me 9% në krahasim me të njëjtën periudhë të një viti më parë, ku ky tregues fiksohej në 51%. Sipas Autoritetit të Aviacionit Civil kjo rritje e tregut i atribuohet hyrjes së linjës së re “Air Albania”, me 3 destinacione italiane e që për tetorin zotëroi 10% të tregut, nga 4% që ishte në muajin shtator.
Megjithatë, edhe kompanitë e tjera që operojnë drejt Italisë kanë shënuar rritje, ndonëse më të lehta. Kështu, kompania, “Blue Panorama” për tetorin kryeson tregun me 17% të totalit, pasuar nga Ernest Airlines me 16% të tregut dhe Albawings me 9% të totalit. Referuar të dhënave zyrtare të ardhura nga Aeroporti Ndërkombëtar ‘Nënë Tereza” për muajin tetor udhëtuan në total 271,589 pasagjerë, nga të cilët 6724 pasagjerë i takojnë fluturimeve charter.
Në krahasim me teorinë e vitit të kaluar, trafiku ajror dhe fluksi i pasagjerëve ka pësuar një rritje me 20% Në drejtim të performancës së kompanive, përgjatë muajit nëntor kompania Ernest Spa ka regjistruar 4 vonesa mbi 2 orë dhe një anulim, ndërkohë që BluePanorama 4 vonesa. Edhe Air Serbia ka regjistruar 2 vonesa, ndërkohë që kompania Alitalia rezulton me një anulim. Numri i kompensimeve ndaj pasagjerëve deri në muajin nëntor ka arritur në 2064, ndërkohë që 1384 kërkesa janë në proces shqyrtimi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.