Lëvizja pa viza drejt Shqipërisë – 9 vende u shtohen listës së shtetasve që hyjnë me pasaportë
Duke filluar nga 1 prilli deri më 31 tetor 2018, qytetarët e nëntë shteteve do të mund të hyjnë në territorin e Shqipërisë pa viza, duke paraqitur vetëm pasaportën.
Këshilli i Ministrave ka miratuar si çdo vit këtë periudhë 7-mujore, e cila lehtëson ardhjen në Shqipëri dhe favorizon turizmin në vend.
Lista këtë vit përfshin Rusinë, Arabinë Saudite, Bjellorusinë, Gjeorgjinë, Katarin, Omanin, Tajlandën, Kinën dhe Bahrejnin.
Kjo është një procedurë standarde e ndjekur nga shumë vende dhe shpesh reciproke mes shteteve, pra ku edhe qytetarët shqiptarë mund të lëvizin në drejtim të këtyre vendeve pa patur nevojë të aplikojnë për viza.
Krahas procedurave për marrjen e vizave, shtetasve u hiqet edhe si barrë financiare pagesa e taksës për vizën.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.